მმართველთა საბჭო

ზაქარია ავალიანი

Avaliani

მმართველთა საბჭოს წევრი

ზაქარია ავალიანი სს ,,საქართველოს სახელმწიფო ელექტროსისტემის“ მმართველთა საბჭოს წევრად დაინიშნა 2018 წელს. ის ხელმძღვანელობს კაპიტალური პროექტების განხორციელებაზე პასუხისმგებელ სტრატეგიულ ერთეულს. ზაქარიას აქვს ენერგეტიკის სექტორში მუშაობის მრავალწლიანი გამოცდილება. 2011 წლიდან მუშაობდა საქართველოს ერთ-ერთ უმსხვილეს ენერგეტიკულ კომპანიაში - სს ,,საქართველოს გაზისა და ნავთობის კორპორაციის“ ტექნიკური დირექტორის თანამდებობაზე. 2007 წლიდან მუშაობდა ამავე ორგანიზაციის საერთაშორისო პროექტების მენეჯერად. 2014-დან 2018 წლამდე, იყო გარდაბნის კომბინირებული ციკლის თბოელექტროსადგურის სამეთვალყურეო საბჭოს წევრი. კარიერის დასაწყისში, საქმიანობდა სხვადასხვა ორგანიზაციაში შრომის უსაფრთხოებისა და გარემოს დაცვის მიმართულებით. ზაქარიას დამთავრებული აქვს საქართველოს ტექნიკური უნივერსიტეტი, საერთაშორისო სამეურნეო სამართლის განხრით.

გიორგი ამუზაშვილი

32

მმართველთა საბჭოს წევრი

გიორგი ამუზაშვილი სს ,,საქართველოს სახელმწიფო ელექტროსისტემის“ მმართველთა საბჭოს წევრად და დისპეტჩერიზაციის მიმართულების ხელმძღვანელად დაინიშნა 2017 წელს. გიორგი კომპანიას შემოუერთდა 2009 წელს და მუშაობდა დისპეტჩერის, უფროსი დისპეტჩერის, ტექნიკური ინსპექციის უფროსი ინჟინრის, მთავარი დისპეტჩერის მოადგილის, ქსელის ქვესადგურების განვითარების პროექტების მენეჯერის და WAM- ის პროექტის მენეჯერის თანამდებობებზე. 2016-2017 წლებში მუშაობდა კომპანიაში შპს ,,ბიპი საქართველო“, 2006-2009 წლებში - სს ,,ენერჯი ინვესტში“, ხოლო 2003-2005 წლებში -შპს ,,აღმოსავლეთის ენერგოკორპორაციაში“. გიორგის დამთავრებული აქვს საქართველოს ტექნიკური უნივერსიტეტი და მინიჭებული აქვს ინჟინერ-ელექტრიკოსის კვალიფიკაცია. მას ასევე მიღებული აქვს მაგისტრის ხარისხი ელექტროენერგეტიკაში - საქართველოს ტექნიკურ უნივერსიტეტში.

ზურაბ ეზუგბაია

35

მმართველთა საბჭოს წევრი

ზურაბ ეზუგბაია სს ,,საქართველოს სახელმწიფო ელექტროსისტემის“ მმართველთა საბჭოს წევრად დაინიშნა 2008 წელს. ის ხელმძღვანელობს კომპანიის კომერციულ და იურიდიულ მიმართულებებს. ზურაბი ,,საქართველოს სახელმწიფო ელექტროსისტემას“ შემოუერთდა 2004 წელს და მუშაობდა იურიდიული მენეჯერის და იურიდიული აღმასრულებელი მენეჯერის თანამდებობებზე. 2001-2003 წლებში იყო საქართველოს იუსტიციის მინისტრის მოადგილე და სამინისტროს საპარლამენტო მდივანი. 2001 წელს მუშაობდა საქართველოს სახელმწიფო კანცელარიაში, იურიდიული სამსახურის უფროსის მოადგილედ. 2000-2001 წლებში საქმიანობდა საქართველოს იუსტიციის სამინისტროში, მოქალაქეობის, იმიგრაციის, სამოქალაქო მდგომარეობის რეგისტრაციის და ნოტარიატის დეპარტამენტის უფროსის თანამდებობაზე. ზურაბს დამთავრებული აქვს ივ. ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტი სამართალმცოდნეობის სპეციალობით და მინიჭებული აქვს იურისტის კვალიფიკაცია.

დავით ვარდიაშვილი

Vardiashvili

მმართველთა საბჭოს წევრი

დავით ვარდიაშვილი სს ,,საქართველოს სახელმწიფო ელექტროსისტემის“ მმართველთა საბჭოს წევრად დაინიშნა 2018 წელს. ის შესყიდვებისა და ლოგისტიკის მიმართულებებს ხელმძღვანელობს. დავითი 2018 წელს, ასევე, 2014-2016 წლებში მუშაობდა სს ,,საქართველოს ნავთობისა და გაზის კორპორაციის“ ფინანსური დირექტორის თანამდებობაზე. მას აქვს სახელმწიფო სამსახურში მუშაობის მრავალწლიანი გამოცდილება. 2017-2018 წლებში საქმიანობდა საგანგებო სიტუაციების მართვის სამსახურის უფროსის მოადგილის თანამდებობაზე. 2016-2017 წლებში იყო საქართველოს შინაგან საქმეთა მინისტრის მოადგილე, 2013-2014 წლებში - ქვემო ქართლის სახელმწიფო რწმუნებულის - გუბერნატორის პირველი მოადგილე. დავით ვარდიაშვილს ენერგეტიკის სექტორში მუშაობის სოლიდური გამოცდილება გააჩნია. 2009-2010 წლებში იყო შპს ,,საქართველოს ნავთობისა და გაზის სერვისული კომპანიის“ გენერალური დირექტორი, ხოლო 2007-2008 წლებში - სახელმწიფო ნავთობის კომპანიის სს ,,თელეთის ნავთობის კომპანიის“ (ყოფილი სს ,,საქნავთობი“) გენერალური დირექტორი, შპს ,,იორის ველი ნავთობი და გაზის“ გენერალური დირექტორი, შპს ,,ნავთობისა და გაზის კორპორაციის“ გენერალური დირექტორის მრჩეველი. სხვადასხვა პერიოდში, მუშაობდა ქალაქ თბილისის მერიაში, საქართველოს პარლამენტის აპარატში, ტრანსპორტის სამინისტროში. დავითს ასევე აქვს მმართველ თანამდებობებზე მუშაობის 13-წლიანი სტაჟი შემოსავლების სამსახურში. დავითს დამთავრებული აქვს საქართველოს ტექნიკური უნივერსიტეტის სამშენებლო ფაკულტეტი და ივ. ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტი. მინიჭებული აქვს ტექნიკურ მეცნიერებათა დოქტორის აკადემიური ხარისხი. არის საქართველოს ტექნიკური უნივერსიტეტის ასოცირებული პროფესორი, საქართველოს საინჟინრო აკადემიის ნამდვილი წევრი - აკადემიკოსი, არაერთი სამეცნიერო ნაშრომისა და ერთი მონოგრაფიის ავტორი.

მამუკა სხილაძე

37

მმართველთა საბჭოს წევრი

მამუკა სხილაძე სს ,,საქართველოს სახელმწიფო ელექტროსისტემის“ მმართველთა საბჭოს წევრად დაინიშნა 2011 წელს. 2010-2011 წლებში საქმიანობდა ,,საქართველოს სახელმწიფო ელექტროსისტემის“ შვილობილ კომპანია ,,ენერგოტრანსში”, ფინანსურ საკითხებში დირექტორის მოადგილის თანამდებობაზე. 2007-2008 წლებში მუშაობდა ,,საქართველოს ბანკში”, ბიუჯეტისა და კონტროლის განყოფილების უფროსად, 2006-2007 წლებში - ,,თეგეტა მოტორსში”, ფინანსურ დირექტორად. 2006 წელს საქმიანობდა აუდიტორულ კომპანია ,,PricewaterhouseCoopers“-ში, უფროსი აუდიტორის, ხოლო 2005 წელს - აუდიტორულ კომპანია ,,Deloitte“-ში, აუდიტორ-სუპერვაიზორის თანამდებობებზე. მამუკას მიღებული აქვს ბიზნესის ადმინისტრირების მაგისტრის ხარისხი - ,,ბიზნესის სკოლა - ESM თბილისში“.

უჩა უჩანეიშვილი

Ucha Uchaneishvili

მმართველთა საბჭოს წევრი

უჩა უჩანეიშვილი სს ,,საქართველოს სახელმწიფო ელექტროსისტემის“ მმართველთა საბჭოს წევრად და ტექნიკური მიმართულების ხელმძღვანელად დაინიშნა 2018 წელს. უჩას აქვს ენერგეტიკის სფეროში მათ შორის, მმართველობით თანამდებობებზე მუშაობის მრავალწლიანი გამოცდილება. ის 1994 წლებში მუშაობდა ,,საქენერგოში“, ხოლო შემდგომ ,,საქართველოს სახელმწიფო ელექტროსისტემაში“, დისპეტჩერის, მთავარი დისპეტჩერის და დისპეტჩერიზაციის აღმასრულებელი მენეჯერის თანამდებობებზე. 2008 წლიდან ხელმძღვანელობდა სსე-ის დისპეტჩერიზაციის მიმართულებას. უჩას დამთავრებული აქვს საქართველოს ტექნიკური უნივერსიტეტი და მინიჭებული აქვს ინჟინერ-ელექტრიკოსის კვალიფიკაცია.

ვახტანგ ბეგიაშვილი

vaxtang begiashvili

მმართველთა საბჭოს წევრი

ვახტანგ ბეგიაშვილი სს „საქართველოს სახელმწიფო ელექტროსისტემის“ მმართველთა საბჭოს წევრად დაინიშნა 2019 წლის იანვარში. მას აქვს ენერგეტიკის სექტორში მუშაობის მრავალწლიანი გამოცდილება. ვახტანგი 2012 წლიდან ხელმძღვანელობდა შპს „საქართველოს ბიზნეს ჯგუფს“. 2008-2011 წლებში იყო ჰოლდინგური კომპანია „მაკროენერჯის“ გენერალური დირექტორი; 2004-2008 წლებში - შპს „გლობალ კონტაქტ კონსალტინგის“ („გლობალ ტვ“) პარტნიორი და გენერალური დირექტორი; 2002-2004 წლებში - შპს „საქართველოს სახელმწიფო ელექტროსისტემის“ აღმასრულებელი დირექტორი; 2002 წელს - სს „საქართველოს გაერთიანებული სადისტრიბუციო ენერგოკომპანიის“ აღმასრულებელი დირექტორი; 2001-2002 წლებში - „საქართველოს ელექტროენერგიის საბითუმო ბაზრის“ დირექტორის მოადგილე; 2001-2001 წლებში - სახელმწიფო კომპანია „საქნავთობპროდუქტის“ სამეთვალყურეო საბჭოს თავმჯდომარე. 90-იან წლებში საქმიანობდა სხვადასხვა საპასუხისმგებლო თანამდებობებზე, მათ შორის, 1993-1995 წლებში იყო საქართველოს პარლამენტის მაჟორიტარი დეპუტატი.
ვახტანგს დამთავრებული აქვს თბილისის ი.ჯავახიშვილის სახელობის თბილისის სახელმწიფო უნივერსიტეტი, ვაჭრობის ეკონომიკის მიმართულებით და ირბახის სახელობის საერთაშორისო უნივერსიტეტის იურიდიული ფაკულტეტი. არის 4 წიგნის, 9 ნაშრომისა და 3 საერთაშორისო პატენტის ავტორი. დაჯილდოებულია ვახტანგ გორგასლის მე-3 ხარისხის ორდენით.