2018-03-13
Energy Community-ის წარმომადგენლების ვიზიტი „საქართველოს სახელმწიფო ელექტროსისტემა"-ში
„საქართველოს სახელმწიფო ელექტროსისტემის“ სათავო ოფისში ტრანსსასაზღვრო გამტარუნარიანობის სიმძლავრის განაწილების წესების პროექტის განხილვა გაიმართა. შეხვედრაში მონაწილეობდნენ: ევროპის ენერგეტიკული გაერთიანების (Energy Community), საკონსულტაციო კომპანია Energy Institute Hrvoje Pozar-ის და სსე-ს წარმომადგენლები.
ტრანსსასაზღვრო გამტარუნარიანობის სიმძლავრის განაწილების წესები იმ ახალი რეგულაციების ნაწილია, რომლის მიხედვითაც, საქართველომ, როგორც Energy Community-ის სრულუფლებიანმა წევრმა, ენერგეტიკის დარგში მოქმედი კანონმდებლობა შესაბამისობაში უნდა მოიყვანოს ევროპულ რეგულაციებთან. შეხვედრაზე მხარეებმა განიხილეს ტრანსსასაზღვრო ვაჭრობისა და ფუნქციონირების საკითხები.
საქართველო Energy Community-ს წევრი 2017 წელს გახდა.
