2019-10-30
„საქართველოს სახელმწიფო ელექტროსისტემის” დელეგაციის ვიზიტი ხორვატიასა და ბოსნია-ჰერცოგოვინაში
„საქართველოს სახელმწიფო ელექტროსისტემის” დელეგაცია სამუშაო ვიზიტით ხორვატიასა და ბოსნია-ჰერცოგოვინას ეწვია.
ხორვატიაში გამართული სამუშაო შეხვედრების მთავარ მიზანს ელექტროენერგეტიკული სისტემების კუთხით დაგროვილი გამოცდილებისა და არსებული გამოწვევების ურთიერთგაზიარება წარმოადგენდა. მხარეებმა ერთმანეთს წარუდგინეს პრეზენტაციები ელექტროსისტემის დაგეგმვის, მოწყობისა და მართვის წესების შესახებ. სსე-ს წარმომადგენლებმა მოინახულეს ცენტრალური და რეგიონული სადისპეტჩერო ცენტრები, გაეცნენ SCADA-ს სისტემის ენერგეტიკული მოდულების ფუნქციონირების პრინციპებს და დაათვალიერეს ხორვატიის 400 კვ-იანი ქვესადგური „ნერავინეცი“.
ქართული დელეგაცია ასევე დაესწრო ბოსნია და ჰერცოგოვინაში გამართულ, CIGRE SEERC-ის რეგიონალური ელექტროენერგეტიკული გაერთიანების შეხვედრას, რომლის მთავარ თემას 2030 წლისთვის ელექტროენერგეტიკული სექტორის ეროვნული სტრატეგიების განხილვა წარმოადგენდა. შეხვედრაზე ყურადღება გამახვილდა ისეთ თემებზე, როგორებიცაა განახლებადი ენერგიების ქსელთან ინტეგრაცია, ენერგოეფექტურობა, ბაზრის ლიკვიდურობა და კონკურენცია.
