2022-09-27
KfW-ს განვითარების ბანკის წარმომადგენლების ვიზიტი „საქართველოს სახელმწიფო ელექტროსისტემა“-ში
„საქართველოს სახელმწიფო ელექტროსისტემას“ KfW-ს განვითარების ბანკის ენერგეტიკული ქსელის გაუმჯობესების პროგრამის მენეჯერი რობერტ როსნერი, KfW-ს თბილისის ოფისის წარმომადგენლები და ტექნიკური, სოციალური და გარემოს დაცვის სპეციალისტები ესტუმრნენ.
ვიზიტის მიზანს წარმოადგენდა სამუშაო შეხვედრების გამართვა „შავი ზღვის ელექტროგადამცემი ქსელის პროექტის“ და „გადამცემი ქსელის გაფართოების ღია პროგრამაII-ის“ ფარგლებში. შეხვედრებზე განიხილეს KfW-ს განვითარების ბანკის მხარდაჭერით მიმდინარე პროექტების დეტალები.
ვიზიტის ფარგლებში, KfW-ს წარმომადგენლები შეხვდნენ სსე-ის გენერალურ დირექტორს გიორგი გიგინეიშვილს და სხვადასხვა სტრუქტურული ერთეულის თანამშრომლებს. ყურადღება გამახვილდა სოციალური და გარემოსდაცვითი მოწინავე სტანდარტების დანერგვის კუთხით სსე-ის მხადაჭერაზე. სტუმრებმა ასევე მოინახულეს ელექტროგადამცემი ხაზი „ქსანი-სტეფანწმინდა“ და ადგილზე გაეცნენ ხაზის ფუნქციონირებას.
„საქართველოს სახელმწიფო ელექტროსისტემა“ გერმანიის მთავრობის ფინანსური მხარდაჭერით და KfW-ს მეშვეობით მნიშვნელოვან ენერგეტიკულ პროექტებს ახორციელებს. დაგეგმილია გადამცემი ხაზებისა და ქვესადგურების მშენებლობა/გაფართოების მასშტაბური პროექტები, რაც საქართველოს შესაძლებლობას მისცემს, განავითაროს სტაბილური, საიმედო ელექტროგადამცემი სისტემა და უზრუნველყოს დიდი მოცულობით ელექტროენერგიის გადადინება.
