2023-09-12
გიორგი გიგინეიშვილი მრავალშვილიან თანამშრომლებს შეხვდა
„საქართველოს სახელმწიფო ელექტროსისტემის“ გენერალურმა დირექტორმა გიორგი გიგინეიშვილმა სსე-ის მრავალშვილიან თანამშრომლებს, რომლებსაც ოთხი და მეტი შვილი ჰყავთ, სასაჩუქრე ბარათები გადასცა.
„დიდი პასუხისმგებლობაა, გერქვას მრავალშვილიანი მშობელი. მინდა, ახალი სასწავლო წელი ნაყოფიერი იყოს თქვენი შვილებისთვის. გისურვოთ სიხარული, ბედნიერება, წარმატებები შვილებთან ერთად!“ -აღნიშნა გიორგი გიგინეიშვილმა.
ახალი სასწავლო წლის დაწყებასთან დაკავშირებით, „საქართველოს სახელმწიფო ელექტროსისტემა“ ყოველწლიურად ასაჩუქრებს მრავალშვილიან თანამშრომლებს. წლიდან წლამდე მათი რიცხვი იზრდება და დღეისათვის, კომპანიას უკვე 41 მრავალშვილიანი თანამშრომელი ჰყავს.
