2025-09-29
შეხვედრა კომპანია CATL-ის წარმომადგენლებთან
საქართველოში ენერგიის დამაგროვებელი ბატარეების სისტემის პროექტების განვითარების შესაძლებლობები განიხილა „საქართველოს სახელმწიფო ელექტროსისტემის“ გენერალურმა დირექტორმა ვანო ზარდიაშვილმა ბატარეების მწარმოებელი მსოფლიოს წამყვანი კომპანია CATL-ის წარმომადგენლებთან შეხვედრაზე. სამუშაო შეხვედრაზე მხარეებმა ასევე განიხილეს, სამომავლო თანამშრომლობის პერსპექტივები.
მწვანე ენერგიების ქსელთან მიერთება „საქართველოს სახელმწიფო ელექტროსისტემის“ ერთ-ერთ პრიორიტეტს წარმოადგენს. ენერგიების დამაგროვებელი ბატარეები მნიშვნელოვან როლს შეასრულებს საქართველოს გადამცემი სისტემის მდგრადობისთვის, უზრუნველყოფს მზისა და ქარის სადგურების ინტეგრაციის ლიმიტების ზრდას და ელექტროენერგიის იმპორტზე დამოკიდებულების შემცირებას.
